வியாபாரியிடம் பணம் பறிக்க முயற்சி; தொழிலாளி கைது

நெல்லை புதிய பஸ் நிலையத்தில் வியாபாரி நவாஸ்கான் (வயது 30) என்பவர் பஸ் ஏறுவதற்காக காத்து கொண்டிருந்தார். அப்போது அங்கு வந்த ஒருவர் நவாஸ்கான் சட்டை பையில் இருந்து ரூ.500-ஐ பறிக்க முயன்றார். சுதாரித்து கொண்ட நவாஸ்கான், அவரை கையும் களவுமாக பிடித்து அங்கிருந்த போலீசாரிடம் ஒப்படைத்தார்.

இதுதொடர்பாக மேலப்பாளையம் சப்-இன்ஸ்பெக்டர் பாத்திமா பர்வின் விசாரணை நடத்தினார். அதில் திருட முயன்றவர் தூத்துக்குடியை சேர்ந்த அப்துல் அஜிஸ் (55), தொழிலாளி என்பது தெரியவந்தது. இதைத்தொடர்ந்து அவரை போலீசார் கைது செய்தனர்.