அரூரில் 1¼ கோடிக்கு பருத்தி ஏலம்

அரூர்:

அரூர் வேளாண்மை உற்பத்தியாளர்கள் கூட்டுறவு சங்கத்தில் நேற்று பருத்தி ஏலம் நடந்தது. இந்த ஏலத்தில் அரூர், கம்பைநல்லூர், கோட்டப்பட்டி உள்ளிட்ட பல்வேறு பகுதிகளில் இருந்து 780 விவசாயிகள் தாங்கள் விளைவித்த 3 ஆயிரத்து 500 மூட்டை பருத்தியை விற்பனைக்கு கொண்டு வந்தனர். ஆர்.சி.எச். ரக பருத்தி ஒரு குவிண்டால் ரூ.8 ஆயிரத்து 289 முதல் ரூ.8 ஆயிரத்து 709 வரை ஏலம் போனது. மொத்தம் ரூ.1 கோடியே 30 லட்சத்துக்கு பருத்தி வர்த்தகம் நடந்தது என்று சங்க செயலாளர் அறிவழகன் தெரிவித்தார்.