ஆட்டோ திருடியவர் கைது

பாளையங்கோட்டை அருகே இட்டேரி பசும்பொன் நகரைச் சேர்ந்தவர் சுப்பிரமணியன். ஆட்டோ டிரைவரான இவர் சம்பவத்தன்று தனது ஆட்டோவை பாளையங்கோட்டை பகுதியில் உள்ள ஸ்கேன் சென்டர் அருகில் நிறுத்தி இருந்தார். அப்போது மர்மநபர் ஒருவர் நைசாக ஆட்டோவை திருடிச் செல்ல முயன்றார். இதனை பார்த்த சுப்பிரமணியன் ஆட்டோவை பின் தொடர்ந்து சென்றார். ஆட்டோ பாளையங்கோட்டை அருகே கிருஷ்ணாபுரம் பகுதியில் சென்றபோது நிலை தடுமாறி விபத்துக்குள்ளானது. உடனே அந்த நபரை பிடித்து பெருமாள்புரம் போலீஸ் நிலையத்தில் ஒப்படைத்தார். போலீசார் நடத்திய விசாரணையில், அவர் திண்டுக்கல் மாவட்டம் சிறியநாயக்கன்பட்டியை சேர்ந்த ஆரோக்கியசாமி (வயது 42) என்பது தெரியவந்தது. தொடர்ந்து போலீசார் அவர் மீது வழக்கு பதிவு செய்து அவரை கைது செய்தனர்.