அடிப்படை வசதிகள் செய்து தர வேண்டும்

காவேரிப்பாக்கம்

ராணிப்பேட்டை மாவட்டம் வாலாஜா தாலுகா அனந்தலை பஞ்சாயத்திற்கு உட்பட்ட கீழ்புதுப்பேட்டை கிராமத்தில் தனியார் பள்ளிக்கு செல்லும் பகுதியில் 50-க்கும் மேற்பட்ட குடும்பத்தினர் வசித்து வருகின்றனர்.

இங்கு சாலைவசதி, மின்விளக்கு வசதி, கால்வாய் வசதி போன்ற அடிப்படை வசதிகள் எதுவும் இல்லை.

இதுகுறித்து அப்பகுதியில் வசிக்கும் பொதுமக்கள் கூறுகையில் நாங்கள் இந்த பகுதியில் சுமார் 10 வருடங்களுக்கு மேலாக வசித்து வருகிறோம்.

இங்கு குடிநீர் வசதி மட்டும் உள்ளது. .ஆனால் கால்வாய், மின்விளக்கு, சாலை வசதியின்றி அவதிக்குள்ளாகிறோம். வட்டார வளர்ச்சி அலுவலகத்தில் அடிப்படை வசதி கேட்டு கோரிக்கை மனு கொடுத்தோம்.

ஆனால் எந்தவொரு நடவடிக்கையும் எடுக்க இல்லை. எனவே அனந்தலை ஊராட்சிமன்ற தலைவர் எங்கள் பகுதிக்கு அடிப்படை வசதி ஏற்படுத்தி தர வேண்டும் என்றனர்.