திண்டிவனம் அருகே கார் மோதி பேட்டரி கடைக்காரர் பலி

திண்டிவனம்,

புதுச்சேரி குயவர் பாளையத்தை சேர்ந்தவர் ஏழுமலை மகன் ரவிச்சந்திரன் (வயது 54). பேட்டரி கடை வைத்துள்ளார். இவரது மனைவி கீதா. இவர்கள் இருவரும் ஒரு மோட்டார் சைக்கிளில் ஆட்சிபாக்கம் நோக்கி சென்று கொண்டிருந்தனர். அப்போது, திண்டிவனம் புறவழிச்சாலை வீராங்குளம் பகுதியில் சென்றபோது, எதிரே வந்த கார் மோட்டார் சைக்கிள் மீது மோதியது. இதில் படுகாயமடைந்த ரவிச்சந்திரன் சம்பவ இடத்திலேயே இறந்து போனார். காயமடைந்த கீதா திண்டிவனம் அரசு மருத்துவமனையில் சிகிச்சைக்காக சேர்க்கப்பட்டார். பின்னர் மேல் சிகிச்சைக்காக புதுச்சேரி ஜிப்மர் மருத்துவமனைக்கு அனுப்பி வைக்கப்பட்டார். அங்கு அவருக்கு உரிய சிகிச்சை அளிக்கப்பட்டு வருகிறது.

இதுகுறித்த புகாரின் பேரில் திண்டிவனம் போலீசார் வழக்குப்பதிவு செய்து விசாரித்து வருகின்றனர்.