பாரதிய மஸ்தூர் சங்க ஆலோசனை கூட்டம்

பெரம்பலூரில் பாரதிய மஸ்தூர் சங்கத்தின் மாவட்ட அமைப்பு சார்பில் ஆலோசனை கூட்டம் நடந்தது. கூட்டத்திற்கு பொது செயலாளர் மணிவேல் தலைமை தாங்கினார். மாவட்ட தலைவர் செந்தில்குமார், மாவட்ட செயலாளர் சிவராஜ் ஆகியோர் முன்னிலை வகித்தனர். கூட்டத்தில் தமிழக அனைத்து சமுதாய மக்கள் கட்டுமானம் மற்றும் அமைப்பு சாரா பொது தொழிலாளர்கள் சங்கத்தை, பாரதிய மஸ்தூர் சங்கத்துடன் இணைப்பு நிகழ்ச்சி நடந்தது. மேலும் இச்சங்கத்தில் உள்ள அனைத்து நிர்வாகிகள், பொறுப்பாளர்கள் மற்றும் உறுப்பினர்கள் அனைவரும், பாரதிய மஸ்தூர் சங்கத்துடன் இணைந்தனர். இதனை தொடர்ந்து தமிழக அனைத்து சமுதாய மக்கள் கட்டுமானம் மற்றும் அமைப்பு சாரா பொது தொழிலாளர்கள் சங்க மாநில தலைவர் மணிவேல், பாரதிய மஸ்தூர் சங்கத்தின் மாவட்ட கன்வீனராக அறிவிக்கப்பட்டார். நிகழ்ச்சியில் சங்க நிர்வாகிகள் பலர் கலந்து கொண்டனர்.