கீழ்வெண்பாக்கத்தில் சிமெண்டு சாலைகள், சிறுபாலம் அமைக்க பூமி பூஜை

ராணிப்பேட்டை

கீழ்வெண்பாக்கம் ஊராட்சியில் ரூ.20 லட்சத்தில் சிமெண்டு சாலைகள், சிறுபாலம் அமைக்க பூமி பூஜை நடைபெற்றது.

நெமிலி ஒன்றியம், கீழ்வெண்பாக்கம் ஊராட்சியில் 15-வது நிதிக்குழு மானியம் மற்றும் ஆதிதிராவிடர் குக்கிராமங்களுக்கு அடிப்படை உட்கட்டமைப்பு வசதிகளை மேம்படுத்தும் திட்டங்களின் கீழ் ரூ.20 லட்சம் மதிப்பீட்டில் சிமெண்டு சாலை மற்றும் சிறுபாலம் அமைப்பதற்கான பூமிபூஜை நிகழ்ச்சி நடைபெற்றது. ஊராட்சி மன்ற தலைவர் மாலதி முருகவேல் தலைமை தாங்கினார். சிறப்பு அழைப்பாளராக நெமிலி ஒன்றிய குழு தலைவர் பெ.வடிவேலு கலந்து கொண்டு, பூமிபூஜை செய்து பணிகளை தொடங்கி வைத்தார்.

நிகழ்ச்சியில் வட்டார வளர்ச்சி அலுவலர் வேதமுத்து, ஒன்றிய குழு உறுப்பினர் சுகுமார், ஊராட்சி மன்ற துணைத்தலைவர் சிலம்பரசன், ஊராட்சி எழுத்தர் ராஜி, குலோத்துங்கன், மதிவாணன், இளையராஜா, கண்ணன், அண்ணாமலை ஆகியோர் கலந்து கொண்டனர்.