பறவைகளை வேட்டையாடிய இருவர் கைது

சீர்காழி;

சீர்காழி அருகே பறவைகளை வேட்டையாடிய இருவர் கைது செய்யப்பட்டனர்.

பறவைகள் வேட்ைட

மயிலாடுதுறை மாவட்டம் சீர்காழி வனச்சரகத்துக்கு உட்பட்ட வயல்வெளிகள் மற்றும் வனப்பகுதிகளில் மடையான், கொக்கு பறவைகளை வேட்டையாடுபவர்களை பிடிக்க திருச்சி மண்டல தலைமை வன பாதுகாவலர் சதீஷ் உத்தரவிட்டார். இதன்பேரில் சீர்காழி வனச்சரக அலுவலர் ஜோசப்டேனியல் தலைமையில் தனிக்குழுவினர் சீர்காழியில் உள்ள வயல்வெளிகள் மற்றும் வனப்பகுதியில் ரோந்து பணியில் ஈடுபட்டனர்.அப்போது தரங்கம்பாடி வட்டம் ஆக்கூர், புங்கையன்தோப்பு, மாத்தூர் வயல்வெளி பகுதியில் வலை வைத்து மடையான் பறவைகளை வேட்டையாடிய இருவர் பிடிப்பட்டனர்.

கைது

அவர்களிடம் வனத்துறையினர் நடத்திய விசாரணையில் அவர்கள் ஆக்கூர் புங்கையன் தோப்பு பகுதியை சேர்ந்த செல்லக்கண்ணு மகன் சத்தியராஜ்(வயது40), மாத்தூர் கிராமத்தைச் சேர்ந்த பாலையா மகன் சுரேஷ்(37) என தெரிய வந்தது. இவர்கள் இருவரையும் கைது செய்த வனத்துறையினர் இருவருக்கும் தலா ரூ.20 ஆயிரம் வீதம் ரூ.40 ஆயிரம் அபராதம் விதித்தனர். மேலும் அவர்களிடம் இருந்து வலைகள் மற்றும் பறவைகளை பறிமுதல் செய்தனர்.