குற்றாலத்தில் ரத்ததான முகாம்

உதயநிதி ஸ்டாலின் பிறந்த நாளை முன்னிட்டு தென்காசி தெற்கு மாவட்ட தி.மு.க. சார்பில் குற்றாலம் சேனைத்தலைவர் திருமண மண்டபத்தில் ரத்ததான முகாம் நடைபெற்றது. மாவட்ட செயலாளர் சிவபத்மநாதன் தலைமை தாங்கினார். முகாமில் 47 பேர் ரத்ததானம் செய்தனர். மேலும் 25 பேருக்கு நலத்திட்ட உதவிகள் வழங்கப்பட்டன.

முகாமில் ஒன்றிய செயலாளர் அழகு சுந்தரம், குற்றாலம் கவுன்சிலர் கிருஷ்ணராஜா உள்பட பலர் கலந்து கொண்டனர்.

தொடர்ந்து கீழப்பாவூர் நூலகத்தில் நடைபெற்ற நிகழ்ச்சியில், தென்காசி தெற்கு மாவட்ட தி.மு.க. செயலாளர் சிவபத்மநாதன் கலந்து கொண்டு, நூலகத்துக்கு 3 மேைஜகள், 3 நாற்காலிகளை நூலகர் ரா.திருநாவுக்கரசியிடம் வழங்கினார். மேலும் அவர் நூலகத்துக்கு ரூ.5 ஆயிரம் செலுத்தி புரவலராக இணைந்தார்.

நிகழ்ச்சியில் நகர தி.மு.க. செயலாளர் ஜெகதீசன், கீழப்பாவூர் பேரூராட்சி தலைவர் பி.எம்.எஸ்.ராஜன் உள்பட பலர் கலந்து கொண்டனர்.