தர்மபுரியில் அடையாளம் தெரியாத ஆண் பிணம்-போலீசார் விசாரணை

தர்மபுரி:

பழைய தர்மபுரி அருகே தர்மபுரி-கிருஷ்ணகிரி சாலையோரத்தில் சுமார் 40 வயது மதிக்கத்தக்க ஆண் பிணமாக கிடந்தார். இதுகுறித்து அந்த பகுதியை சேர்ந்தவர்கள் தர்மபுரி டவுன் போலீசுக்கு தகவல் அளித்தனர். அதன்பேரில் போலீசார் அங்கு விரைந்து சென்று விசாரணை நடத்தினர். ஆனால் பிணமாக கிடந்தவர் யார்?, எந்த ஊரை சேர்ந்தவர்? என தெரியவில்லை. இதையடுத்து போலீசார் பிணத்தை கைப்பற்றி தர்மபுரி அரசு ஆஸ்பத்திரி பிரேத பரிசோதனை கூடத்துக்கு அனுப்பி வைத்தனர். மேலும் இதுகுறித்து வழக்குப்பதிவு செய்து, அவர் யார்? என விசாரணை நடத்தி வருகிறார்கள்.