அடையாளம் தெரியாத வாலிபர் பிணம்

அரக்கோணம்,

அரக்கோணம் ரெயில்வே போலீஸ் எல்லைக்குட்பட்ட திருத்தணி திரவுபதி அம்மன் கோவில் அருகே உள்ள ரெயில்வே கேட் பகுதியில் தண்டவாளம் அருகே அடையாளம் தெரியாத 35 வயது மதிக்கத்தக்க வாலிபர் பிணம் கிடப்பதாக அரக்கோணம் ரெயில்வே போலீசாருக்கு தகவல் கிடைத்தது.

அதன்பேரில் சம்பவ இடத்திற்கு சப்-இன்ஸ்பெக்டர்கள் ஆனந்தன், ராமகிருஷ்ணன் மற்றும் போலீசார் சென்று பிணத்தை மீட்டு பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனர்.

மேலும், இதுகுறித்து போலீசார் வழக்குப்பதிவு செய்து இறந்த நபர் யார் எந்த ஊரை சேர்ந்தவர் என்று விசாரித்து வருகின்றனர்.