கால்வாயில் மிதந்து வந்த பெண் பிணம்

நாகர்கோவில்:

நாகர்கோவில் ஆசாரிபள்ளம் அனந்தன் நகரில் இருந்து கோணம் செல்லும் சாலை ஓரம் கால்வாய் உள்ளது. இந்த கால்வாயில் குருசடி அருகே நேற்று ஒரு பெண் பிணம் மிதந்து வந்தது. இதைப் பார்த்து அதிர்ச்சி அடைந்த அப்பகுதி மக்கள் உடனே ஆசாரிபள்ளம் போலீசுக்கு தகவல் தெரிவித்தனர்.

அதன்பேரில் போலீசார் அங்கு விரைந்து சென்று பிணத்தை மீட்டனர். பிணமாக கிடந்தவருக்கு 65 வயது இருக்கும். ஆனால் அவர் யார்? எந்த ஊரை சேர்ந்தவர்? என்ற விவரம் தெரியவில்லை. அவரது உடலில் காயங்கள் இல்லை.

அதைத் தொடர்ந்து பிணத்தை பிரேத பரிசோதனைக்காக ஆசாரிபள்ளம் மருத்துவக்கல்லூரி ஆஸ்பத்திரிக்கு போலீசார் அனுப்பி வைத்தனர். பிணமாக மீட்கப்பட்ட பெண் கால்வாயில் தவறி விழுந்து இறந்தாரா? இல்லை வேறு ஏதேனும் காரணமா? போலீசார் வழக்குப்பதிவு செய்து விசாரணை நடத்தி வருகிறார்கள்.