ஓட்டல் ஊழியருக்கு பாட்டில் குத்து

நெல்லை மேலப்பாளையத்தை சேர்ந்தவர் உச்சிமாகாளி (வயது 39). இவர் தச்சநல்லூரில் உள்ள ஒரு ஓட்டலில் ஊழியராக வேலை செய்து வருகிறார். நெல்லை சந்திப்பு ரெயில்வே பீடர் ரோடு பகுதியில் உச்சிமாகாளி நடந்து சென்று கொண்டிருந்தார். அங்கு சங்கரன்கோவிலை சேர்ந்த சந்தனபாண்டி (40) என்பவர் தரையில் அமர்ந்து இருந்தார். அப்போது அவர் தட்டில் இருந்த பணத்தை உச்சிமாகாளி எடுத்தாராம். இதில் அவர்களுக்குள் தகராறு ஏற்பட்டது. உச்சிமாகாளி அங்கு கிடந்த கல்லை எடுத்து சந்தனபாண்டியை தாக்கினாராம். சந்தனபாண்டி அங்கு கடந்த பாட்டிலை உடைத்து உச்சிமாகாளி முகத்தில் குத்தியதாக கூறப்படுகிறது. இது குறித்த புகாரின் பேரில் நெல்லை சந்திப்பு போலீசார் சந்தன பாண்டியன் மீது வழக்கு பதிவு செய்து அவரை கைது செய்தனர்.