வீட்டின் கதவை உடைத்து பொருட்கள் திருட்டு

பாளையங்கோட்டை பெருமாள்புரம் வ.உ.சி. நகரை சேர்ந்தவர் ஜூடு லூயிஸ் பிரசாத். இவருடைய மனைவி ஜெனிபர் (வயது 35). ஜூடு லூயிஸ் பிரசாத் சென்னையில் வேலை பார்த்து வருகிறார். ஜெனிபரின் தாய் வீடு சாந்தி நகரில் உள்ளது. இதனால் ஜெனிபர் தனது வீட்டை பூட்டி விட்டு தாய் வீட்டில் வசித்து வருகிறார். அவ்வப்போது தனது வீட்டுக்கு வந்து பார்த்து செல்வார்.

இதனை அறிந்த மர்ம நபர்கள் கடந்த 9- ந்தேதி ஜெனிபர் வீட்டின் பின்பக்க கதவை உடைத்து வீட்டில் இருந்த டி.வி. மற்றும் மிக்சியை திருடிச் சென்று உள்ளனர். இதுகுறித்து அவர் பெருமாள்புரம் போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.