புதுப்பெண் சாவு; தற்கொலைக்கு தூண்டியதாக நாத்தனார் கைது

வையம்பட்டி:

தற்கொலை

திருச்சி மாவட்டம், மணப்பாறையை அடுத்த எஸ்.களத்துப்பட்டியை சேர்ந்தவர் சரத்குமார். இவருக்கும் சீ.வடக்கிப்பட்டியைச் சேர்ந்த கவிபிரியா(வயது 24) என்பவருக்கும் கடந்த ஜனவரி மாதம் 27-ந் தேதி திருமணம் நடைபெற்றது.

இந்நிலையில் நேற்று முன்தினம் களத்துப்பட்டியில் கவிபிரியா தூக்குப்போட்டு தற்கொலை செய்து கொண்டதாக கூறப்படுகிறது. இதையடுத்து அவரது சாவுக்கு, கணவர் குடும்பத்தினர்தான் காரணம் என்றும், அவர்கள் மீது நடவடிக்கை எடுக்க வேண்டும் என்றும் கவிபிரியாவின் குடும்பத்தினர் வையம்பட்டி போலீசில் புகார் அளித்தனர்.

கைது

அதன்பேரில் போலீசார் வழக்குப்பதிவு செய்து, விசாரணை நடத்தினர். இதையடுத்து கவிபிரியாவை தற்கொலைக்கு தூண்டியதாக அவரது நாத்தனாரான பானுபிரியாவை(28) போலீசார் கைது செய்தனர்.