வீட்டின் பூட்டை உடைத்து நகை, பணம் திருட்டு

ஜோலார்பேட்டை

வீட்டின் பூட்டை உடைத்து நகை, பணம் திருடப்பட்டுள்ளது.

நாட்டறம்பள்ளியை அடுத்த கூத்தாண்டகுப்பம் பகுதியை சேர்ந்தவர் ராஜாமணி (வயது 70). ஓய்வு பெற்ற சர்க்கரை ஆலை அலுவலர். இவர் சில நாட்களுக்கு முன்பு வழுக்கி விழுந்து முதுகு தண்டுவடத்தில் பலத்த காயம் ஏற்பட்டது. அதைத்தொடர்ந்து ஓசூர் பகுதியில் என்ஜினீயராக பணிபுரிந்து வரும் அவரது மகன், சிகிச்சைக்காக ராஜாமணியை கடந்த 30-ந் தேதி அழைத்துச் சென்று தனியார் மருத்துவமனையில் அனுமதித்துள்ளார்.

சிகிச்சை முடிந்து ராஜாமணி நேற்று வீடு திரும்பினார். அப்போது வீட்டின் முன்பக்க கதவு உடைக்கப்பட்டு இருப்பதைக் கண்டு அதிர்ச்சி அடைந்தார். உள்ளே சென்று பார்த்தபோது பீரோவில் வைக்கப்பட்டிருந்த இரண்டு பவுன் நகை மற்றும் ரூ.27 ஆயிரம் ரொக்கம், அரை கிலோ வெள்ளி ஆகியவற்றை மர்ம நபர்கள் திருடிச்சென்றது தெரிய வமந்தது.

இது குறித்து ராஜாமணி கொடுத்த புகாரின்பேரில் நாட்டறம்பள்ளி போலீசார் விசாரணை மேற்கொண்டு வருகின்றனர்.