8 பள்ளிகளுக்கு பீரோ வழங்கப்பட்டது

திருப்பத்தூர் காயிதேமில்லத் கல்வி அறக்கட்டளை சார்பில் காயிதேமில்லத்தின் 51-வது நினைவு நாளை முன்னிட்டு 8 பள்ளிகளுக்கு பீரோ வழங்கும் விழா, சமய நல்லிணக்க ரமலான் நோன்பு திறப்பு விழா நடந்தது. அறக்கட்டளை நிறுவனத் தலைவர் ஜூபேர் அஹமத் தலைமை தாங்கினார். முஹம்மத் கலீம் வரவேற்றார். கலெக்டர் பாஸ்கர பாண்டியன் கலந்துகொண்டு பள்ளிகளுக்கு பீரோக்களை வழங்கி பேசினார். இதில் நகர மன்ற தலைவர் சங்கீதா வெங்கடேஷ், துணைத்தலைவர் சபியுல்லா, ரோட்டரி சங்க தலைவர் அருணகிரி, தலைமை ஆசிரியர்கள் கலந்து கொண்டனர். முடிவில் கவுன்சிலர் முன்னா நன்றி கூறினார்.