பண்ருட்டி அருகேசரக்கு வாகனம் மீது பஸ் மோதல்பாத்திர வியாபாரி உள்பட 2 பேர் படுகாயம்

பண்ருட்டி,

பண்ருட்டி எல்.என்.புரம் பகுதியில் வசித்து வருபவர் ராமலிங்கம் வயது (வயது 50). இவர் சரக்கு வாகனம் மூலம் ஊர், ஊராக சென்று பாத்திரங்கள் விற்பனை செய்து வருகிறார். ராமலிங்கம் நேற்று காலை வழக்கம்போல் சரக்கு வாகனத்தில் வியாபாரத்துக்கு புறப்பட்டார். அந்த வாகனத்தை எல்.என்.புரத்தை சேர்ந்த அருணாசலம்(19) என்பவர் ஓட்டினார். பண்ருட்டி-கும்பகோணம் சாலையில் சென்றபோது, அவ்வழியாக வந்த அரசு பஸ் சரக்கு வாகனம் மீது மோதியது.

இந்த விபத்தில் ராமலிங்கம், டிரைவர் அருணாசலம் ஆகியோர் பலத்த காயமடைந்தனர். அவர்களை அக்கம் பக்கத்தினர் மீட்டு சிகிச்சைக்காக புதுச்சேரி ஜிப்மர் ஆஸ்பத்திரியில் அனுமதிக்கப்பட்டு தீவிர சிகிச்சை பெற்று வருகிறார்கள். இந்த விபத்து குறித்து காடாம்புலியூர் போலீசார் வழக்குப்பதிந்து விசாரித்து வருகின்றனர்.