பஸ் மோதி விவசாயி சாவு

ஒரத்தநாடு

ஒரத்தநாடு அருகே உள்ள தென்னமநாடு மேலத் தெருவில் வசித்து வந்தவர் ராஜா (வயது 40). விவசாயி. இவர் சம்பவத்தன்று மாலை ஒரத்தநாட்டில் இருந்து தென்னமநாட்டிற்கு மோட்டார் சைக்கிளில் சென்று கொண்டு இருந்தார். அப்போது அந்த வழியாக வந்த தனியார் பஸ் ஒன்று மோட்டார் சைக்கிள் மீது மோதியது. இதில் படுகாயமடைந்த ராஜா, தஞ்சை அரசு மருத்துவக் கல்லூரி ஆஸ்பத்திரியில் அனுமதிக்கப்பட்டார். அங்கு அவருக்கு தீவிர சிகிச்சை அளித்தும் சிகிச்சை பலனின்றி பரிதாபமாக இறந்தார். இந்த விபத்து குறித்து ஒரத்தநாடு போலீசார் வழக்குப்பதிவு செய்து விசாரணை நடத்தி வருகின்றனர்.