தூக்குப்போட்டு பஸ் கண்டக்டர் தற்கொலை

ஈரோடு வில்லரசம்பட்டி குறிஞ்சி நகர் பகுதியை சேர்ந்தவர் மணி (வயது 53). இவர் தமிழ்நாடு அரசு போக்குவரத்து கழகம் ஈரோடு காசிபாளையம் கிளையில் பஸ் கண்டக்டராக வேலை பார்த்து வந்தார். இவருக்கு புகை பிடிக்கும் பழக்கம் இருந்ததால் இவருக்கும், இவருடைய மனைவி கவிதாவுக்கும் அடிக்கடி தகராறு ஏற்பட்டு உள்ளது.

இந்த நிலையில் நேற்று முன்தினமும் இவர்களுக்குள் தகராறு ஏற்பட்டு உள்ளது. இதனால் மணி கோபித்துக்கொண்டு மாடியில் உள்ள அறைக்கு சென்றுள்ளார். நேற்று காலை கவிதா மாடிக்கு சென்று பார்த்தபோது, மின்விசிறியில் மணி தூக்குப்போட்டு தொங்கி கொண்டு இருந்ததை பார்த்து அதிர்ச்சி அடைந்தார். பின்னர் அக்கம் பக்கத்தினர் உதவியுடன் அவரை மீட்டு சிகிச்சைக்காக ஈரோடு அரசு ஆஸ்பத்திரிக்கு கொண்டு சென்றார். அங்கு பரிசோதனை செய்த டாக்டர்கள் ஏற்கனவே மணி இறந்து விட்டதாக தெரிவித்தனர். இதுகுறித்து ஈரோடு வீரப்பன்சத்திரம் போலீசார் வழக்குப்பதிவு செய்து விசாரணை நடத்தி வருகிறார்கள்.