காட்டெருமைகள் உலா வந்ததால் பரபரப்பு

வெலிங்டன்,

குன்னூர் சுற்றுவட்டார பகுதிகளில் சமீப காலமாக காட்டெருமைகள் நடமாட்டம் அதிகரித்து உள்ளது. குறிப்பாக குடியிருப்பு பகுதிகளில் உணவு மற்றும் தண்ணீர் தேடி உலா வருவதால் பொதுமக்கள் அச்சம் அடைந்து உள்ளனர். இந்தநிலையில் குன்னூர் அருகே வெலிங்டன் ராணுவ கல்லூரியின் குடியிருப்பு பகுதிகளில் 2 காட்டெருமைகள் ஆக்ரோஷமாக சுற்றித்திரிந்தன. இதனால் அப்பகுதியில் பரபரப்பு ஏற்பட்டது. இதனை அப்பகுதி மக்கள் செல்போனில் வீடியோ எடுத்து சமூக வலைத்தளத்தில் பதிவிட்டனர். தற்போது அந்த வீடியோ சமூக வலைத்தளத்தில் வைரலாகி வருகிறது.