கால்நடை தடுப்பூசி சிறப்பு மருத்துவ முகாம்

முதுகுளத்தூர்,

முதுகுளத்தூர் அருகே உள்ள கருமல் கிராமத்தில் கால்நடை தடுப்பூசி சிறப்பு மருத்துவ முகாம் நடைபெற்றது. ஊராட்சி மன்ற தலைவர் லித்தியால் சாந்தகுமாரி தலைமை தாங்கினார். மாவட்ட கால்நடை பராமரிப்பு துறை மண்டல இணை இயக்குனர் இளங்கோவன் முன்னிலை வகித்தார். கால்நடை உதவி மருத்துவர்கள் சுந்தரமூர்த்தி, மோகன் ஆகியோர் கால்நடைகளுக்கு சிகிச்சை அளித்தனர். கால்நடைகளுக்கு தடுப்பூசி, செயற்கை முறை கருவூட்டல், சினைப் பரிசோதனை, கன்றுகள், மாடுகளுக்கு குடல்புழு நீக்கம், கோழிகளுக்கு வெள்ளை கழிச்சல் தடுப்பூசி, தாது உப்புக்கலவை வழங்கினார். முகாமில் 104 மாடுகள், 525 வெள்ளாடுகள், 663 செம்மரிஆடுகள், 12 கோழிகளுக்கு சிகிச்சை அளிக்கப்பட்டது. இதில் கால்நடை ஆய்வாளர்கள் வீரன், கால்நடை உதவியாளர்கள் செந்தில்வேல் விஜயதாரணி உள்பட பலர் கலந்து கொண்டனர். மேலும் சிறந்த முறையில் கால்நடைகளை வளர்த்த விவசாயிகளுக்கு பரிசுகளும், சான்றிதழ்களும் வழங்கப்பட்டன.