கள்ளக்குறிச்சியில் சிஐடியுவினர் பிரசார கூட்டம்

தமிழக இளைஞர்கள் வேலைவாய்ப்பு பெறவும், போக்குவரத்து துறையில் காலியாக உள்ள பணியிடங்களை நிரப்பவும், தனியார் மயமாக்கும் முயற்சியை கைவிடக்கோரியும், போக்குவரத்துக் கழகங்களை பாதுகாக்க வலியுறுத்தியும், ஓய்வுபெற்ற, பணியில் உள்ள தொழிலாளர்களின் பிரச்சினைகளுக்கு தீர்வு காண வேண்டும் என்பன உள்ளிட்ட பல்வேறு கோரிக்கைகளை வலியுறுத்தி நேற்று அரசு போக்குவரத்துக்கழக சி.ஐ.டி.யு. தொழிற்சங்கத்தினர், கள்ளக்குறிச்சியில் உள்ள தமிழ்நாடு அரசு போக்குவரத்து கழக பணிமனை முன்பு மற்றும் பஸ் நிலையத்தில் பிரசார கூட்டம் நடத்தினர். இதற்கு கள்ளக்குறிச்சி மாவட்ட செயலாளர் செந்தில் தலைமை தாங்கினார். விழுப்புரம் மாவட்ட செயலாளர் மூர்த்தி கோரிக்கைகளை வலியுறுத்தி பேசினார். இதில் நிர்வாகிகள் தெய்வீகன், முருகன், தங்கபாண்டியன், கந்தசாமி, நடராஜன் உள்பட பலர் கலந்து கொண்டனர்.