கல்லூரி மாணவி கடத்தலா? போலீசார் விசாரணை

இலுப்பூர் தாலுகா மேட்டுப்பட்டியை சேர்ந்தவர் தங்கராஜ். இவரது மகள் ரேவதி (வயது 19). இவர் புதுக்கோட்டையில் உள்ள அரசு மகளிர் கலை கல்லூரியில் முதலாம் ஆண்டு படித்து வருகிறார். தங்கராஜ் தனது குடும்பத்துடன் சம்பவத்தன்று விராலிமலை அருகே ராஜகிரியில் உள்ள தனது உறவினர் வீட்டு திருமண நிகழ்ச்சிக்கு சென்றுள்ளனர். அப்போது வீட்டில் இருந்த ரேவதியை காணவில்லை. பல்வேறு இடங்களில் தேடி பார்த்தும் அவர் கிடைக்கவில்லை.இது குறித்து விராலிமலை போலீஸ் நிலையத்தில் தங்கராஜ் புகார் கொடுத்தார். அதன் பேரில் போலீசார் வழக்குப்பதிவு செய்து ரேவதியை யாரும் கடத்தி சென்றனரா? என்பது உள்பட பல்வேறு கோணங்களில் விசாரணை நடத்தி வருகின்றனர்.