மோட்டார் சைக்கிள் மீது கார் மோதி தொழிலாளி பலி

அரவக்குறிச்சி அருகே சாலப்பாளையத்தை சேர்ந்தவர் குழந்தைசாமி (வயது 50). தொழிலாளி. இவர் நேற்று மாலை அரவக்குறிச்சி ஜங்கால்பட்டி பிரிவு அருகே தனது மோட்டார் சைக்கிளில் சாலையின் வலது புறத்தில் நின்று கொண்டிருந்தார். அப்போது அந்த வழியாக பெங்களூர் நோக்கி சென்ற கார் எதிர்பாராத விதமாக, குழந்ைதசாமி மீது மோதியது. இதில் படுகாயம் அடைந்த குழந்தைசாமியை அந்த வழியாக சென்றவர்கள் மீட்டு சிகிச்சைக்காக மருத்துவமனைக்கு அனுப்பி வைத்தனர். ஆனால் மருத்துவமனை செல்லும் வழியிலேயே அவர் பரிதாபமாக இறந்தார். இதையடுத்து அவரது உடல் பிரேத பரிசோதனைக்கு அரவக்குறிச்சி அரசு மருத்துவமனைக்கு அனுப்பி வைக்கப்பட்டது. இதுகுறித்து அரவக்குறிச்சி போலீசார் வழக்குப்பதிந்து விசாரணை நடத்தி வருகின்றனர்.