தடுப்புக்கட்டையில் கார் மோதல்; பெண் பலி

ராமநத்தம்,

சிவகங்கை மாவட்டம் திருப்பத்தூர் அருகே உள்ள ஆவணிப்பட்டியை சேர்ந்தவர் கிருஷ்ணன் மகன் ஸ்ரீராம் (வயது 30). இவர் தனது குடும்பத்தினருடன் காரில் சென்னைக்கு புறப்பட்டு சென்றனர். வேப்பூர் அடுத்த சேப்பாக்கம் மேம்பாலத்தில் சென்றபோது டிரைவரின் கட்டுப்பாட்டை இழந்த கார் எதிர்பாராதவிதமாக சாலையோரத்தில் இருந்து தடுப்புக்கட்டை மீது பயங்கரமாக மோதியது.

இந்த விபத்தில் ஸ்ரீராம் மனைவி பிரியங்கா (28) மற்றும் உறவினர்களான திருப்பத்தூர் அருகே ரணசிங்கபுரத்தை சேர்ந்த நாகசிவா (20), லட்சுமி (42), ஆவணிபட்டியை சேர்ந்த மணிகண்டன் (18) ஆகியோர் பலத்த காயம் அடைந்தனர்.

போலீசார் விசாரணை

இதையடுத்து காயமடைந்த 4 பேரையும் அக்கம் பக்கத்தினர் மீட்டு சிகிச்சைக்காக வேப்பூர் அரசு மருத்துவமனைக்கு கொண்டு சென்றனர். அங்கு பிரியங்காவை சோதனை செய்த டாக்டர்கள், அவர் ஏற்கனவே இறந்து விட்டதாக தெரிவித்தனர். மற்ற 3 பேரும் மேல்சிகிச்சைக்காக பெரம்பலூர் அரசு மருத்துவமனைக்கு அனுப்பி வைக்கப்பட்டனர். இது குறித்த புகாரின் பேரில் வேப்பூர் போலீசார் வழக்குப்பதிவு செய்து விசாரணை நடத்தி வருகின்றனர்.