கார் தீப்பிடித்து எரிந்தது

சிவகங்கை செந்தமிழ் நகரில் வசிப்பவர் சதீஷ்குமார் (வயது 33). இவர் ராமநாதபுரத்தில் வக்கீலாக பணியாற்றி வருகிறார். இவரது மனைவி கிருஷ்ணவேணி. இவர் சிவகங்கையில் உள்ள சுகாதார துணை இயக்குனர் அலுவலகத்தில் நோய் தடுப்பு அலுவலராக பணிபுரிந்து வருகிறார். இந்நிலையில் இரவு சதீஷ்குமார் தன்னுடைய காரை வீட்டின் அருகில் நிறுத்தி இருந்தார். அதிகாலையில் பார்த்த போது கார் தீப்பிடித்து எரிந்தது. இதுகுறித்து தகவல் அறிந்த தீயணைப்பு துறையினர் விரைந்து வந்து தீயை அணைத்தனர். இருப்பினும் கார் முற்றிலும் எரிந்து சேதம் அடைந்தது. இதுகுறித்து சிவகங்கை நகர் போலீசார் விசாரணை நடத்தி வருகின்றனர்.