கார்-மோட்டார்சைக்கிள் மோதல்; வாலிபர் சாவு

மதுரை மாவட்டம் மூன்று மாவடியை சேர்ந்தவர் செல்வபாண்டி (வயது 21). நேற்று முன்தினம் இரவு இவர், மதுரையில் இருந்து மோட்டார்சைக்கிளில் தேனிக்கு வந்து கொண்டிருந்தார். பெரியகுளம்-வத்தலக்குண்டு மெயின் ரோட்டில் சாத்தா கோவில்பட்டி பிரிவு அருகே சென்றபோது எதிரே வந்த கார், இவரது மோட்டார்சைக்கிள் மீது மோதியது. இதில் சம்பவ இடத்திலேயே செல்வபாண்டி பரிதாபமாக இறந்தார். தகவல் அறிந்த தேவதானப்பட்டி போலீசார் சம்பவ இடத்திற்கு விரைந்தனர். பின்னர் செல்வபாண்டி உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். இதுகுறித்து கார் டிரைவரான புதுக்கோட்டை மாவட்டம் இலுப்பூரை சேர்ந்த முகமது அன்சாரி (35) மீது போலீசார் வழக்குப்பதிவு செய்து விசாரணை நடத்தி வருகின்றனர்.