தச்சுத் தொழிலாளி தூக்குப்போட்டு தற்கொலை

ஆம்பூரை அடுத்த குமாரமங்கலம் பகுதியை சேர்ந்தவர் ஜோதி பாஸ்கர் (வயது 23). தச்சுத் தொழில் வேலை செய்து வந்தார். இவரது பெற்றோர் இறந்து விட்டனர். இதனால் இவர் தனியாக வசித்து வந்தார். இந்தநிலையில் ஜோதி பாஸ்கர் தனது வீட்டில் கேபிள் வயரில் தூக்குப் போட்டு தற்கொலை செய்து கொண்டுள்ளார்.

இது குறித்து தகவலறிந்த உமராபாத் போலீசார் சம்பவ இடத்துக்கு சென்று ஜோதி பாஸ்கர் உடலை மீட்டு பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர். மேலும் இது குறித்து வழக்குப்பதிவு செய்து தற்கொலைக்கான காரணம் குறித்து விசாரணை நடத்தி வருகின்றனர்.