மளிகை கடையில் பொருட்களை சேதப்படுத்தி தாக்குதல்2 பேர் மீது வழக்கு

தர்மபுரி சோகத்தூர் கூட்ரோடு பகுதியைச் சேர்ந்தவர் பிரியா (வயது 29). அந்த பகுதியில் மளிகை கடை நடத்தி வருகிறார். இந்த கடையில் அமர்ந்திருந்த தட்சிணாமூர்த்தி என்பவருக்கும், அங்கு வந்த கோபி (வயது 37), சிவா (35) ஆகியோருக்கும் வாக்குவாதம் ஏற்பட்டது. அப்போது 2 பேரும் கடையில் இருந்த பொருட்களை தூக்கி வீசி சேதப்படுத்தியதாகவும், அதை தடுக்க முயன்ற பிரியாவை தாக்கியதாகவும் கூறப்படுகிறது. இதுதொடர்பாக பிரியா அளித்த புகாரின் பேரில் தர்மபுரி டவுன் போலீசார் வழக்குப்பதிவு செய்து விசாரணை நடத்தி வருகின்றனர்.