கணவன்-மனைவி உள்பட 13 பேர் மீது வழக்கு

கொக்கிரகுளம்:

நெல்லை கொக்கிரகுளம் வசந்தம் நகரில் உலகநாதன் என்பவருக்கு சொந்தமான வீட்டில் மைதீன் (வயது 55) என்பவர் வாடகைக்கு குடியிருந்து வருகிறார். இவர் கடந்த சில மாதங்களாக வாடகை கொடுக்கவில்லை என கூறப்படுகிறது. இதனால் ஆத்திரம் அடைந்த உலகநாதன், அவரின் மனைவி உள்ளிட்ட 13 பேர் சம்பவத்தன்று மைதீன் வீட்டுக்குள் நுழைந்து அவரை தாக்கி, வீட்டில் இருந்த பொருட்களை சேதப்படுத்தினராம். இதுகுறித்து மைதீன் பாளையங்கோட்டை போலீஸ் நிலையத்தில் புகார் செய்தார். அதன்பேரில் போலீசார் உலகநாதன், அவரின் மனைவி உள்ளிட்ட 13 பேர் மீது வழக்குப்பதிவு செய்து விசாரணை நடத்தி வருகின்றனர்.