விவசாயியை தாக்கிய தந்தை உள்பட 2 பேர் மீது வழக்கு

குளித்தலை அருகே உள்ள குமாரமங்கலம் பகுதியை சேர்ந்தவர் மகேந்திரன் (வயது 34). விவசாயியான இவர் தனது வீட்டில் இருந்தபோது அங்கு வந்த அவரது தந்தை சக்கரத்தான், அண்ணன் குமார் ஆகியோர் மகேந்திரனை திட்டி தாக்கியுள்ளனர். இதில் படுகாயமடைந்த மகேந்திரனை அவரது உறவினர்கள் மீட்டு சிகிச்சைக்காக குளித்தலை அரசு மருத்துவமனையில் அனுமதித்தனர். அங்கு முதலுதவி சிகிச்சை பெற்ற பின்னர் மேல் சிகிச்சைக்காக திருச்சி அரசு மருத்துவமனையில் அனுமதிக்கப்பட்டார். அங்கு அவருக்கு டாக்டர்கள் சிகிச்சை அளித்து வருகிறார்கள். இந்த சம்பவம் குறித்து அவர் அளித்த புகாரின் பேரில் சக்கரத்தான் மற்றும் குமார் மீது குளித்தலை போலீசார் வழக்குப்பதிவு செய்து விசாரணை நடத்தி வருகின்றனர்.