வக்கீலை தாக்கிய 3 பேர் மீது வழக்கு

உளுந்தூர்பேட்டை

உளுந்தூர்பேட்டை கீரனூர் பகுதியை சேர்ந்தவர் சேட்டு என்கிற செல்வகுமார்(வயது 30). வக்கீலான இவர் சம்பவத்தன்று மோட்டார் சைக்கிளில் தனது வீட்டுக்கு சென்று கொண்டிருந்தபோது முன்விரோதம் காரணமாக அதே பகுதியை சேர்ந்த சூர்யா, சந்தோஷ்குமார் மற்றும் சதீஷ் ஆகிய 3 பேரும் அவரை வழிமறித்து ஆபாசமாக திட்டி தாக்கியதாக கூறப்படுகிறது. இது குறித்து செல்வகுமார் கொடுத்த புகாரின் பேரில் சூர்யா உள்பட 3 பேர் மீதும் உளுந்தூர்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.