விவசாயியை தாக்கிய 3 பேர் மீது வழக்கு

எருமப்பட்டி

எருமப்பட்டி அருகே உள்ள வடவத்தூர் ஊராட்சி ஜம்புமடை எல்லை பள்ளம் பகுதியைச் சேர்ந்தவர் பன்னீர்செல்வம் (வயது 35). விவசாயி. இவருக்கும் அதே பகுதியை சேர்ந்த கனகராஜ் என்பவருக்கும் பணம் கொடுக்கல் வாங்கலில் முன்விரோதம் இருந்து வந்துள்ளது. இந்த நிலையில் கடந்த 30-ந் தேதி இரவு அடையாளம் தெரியாத 3 பேர் தனது வீட்டின் முன்பு நின்று கொண்டு இருந்த பன்னீர்செல்வத்தை தகாத வார்த்தையால் திட்டியும், அவர்கள் கொண்டு வந்திருந்த பீர் பாட்டில்களால் தாக்கி விட்டும் தப்பி ஓடி விட்டனர். பின்னர் அங்கிருந்தவர்கள் அவரை மீட்டு 108 ஆம்புலன்ஸ் மூலம் நாமக்கல் அரசு மருத்துவமனைக்கு அனுப்பி வைத்தனர். இதுகுறித்து பன்னீர்செல்வம் எருமப்பட்டி போலீஸ் நிலையத்தில் புகார் அளித்தார். இதன்பேரில் போலீசார் மர்மநபர்கள் 3 பேர் மீது வழக்குப்பதிவு விசாரணை நடத்தி வருகின்றனர்.