பணம் வைத்து சூதாடிய 3 பேர் மீது வழக்கு

அன்னவாசல்:

அன்னவாசல் அருகே உள்ள மாங்குடியில் பொது இடத்தில் சிலர் பணம் வைத்து சூதாடுவதாக அன்னவாசல் போலீசாருக்கு தகவல் கிடைத்தது. தகவலையடுத்து போலீசார் அப்பகுதியில் தீவிர ரோந்து பணியில் ஈடுபட்டனர். அப்போது மாங்குடி சுனை பகுதியில் பணம் வைத்து சூதாடி கொண்டிருந்த மாங்குடியை சேர்ந்த பெரியசாமி (வயது 32), செல்வம் (37), சந்திரசேகர் (37) ஆகிய 3 பேர் மீது வழக்குப்பதிவு செய்தனர். மேலும் அவர்களிடமிருந்து போலீசார் சீட்டு அட்டைகளை கைப்பற்றி விசாரணை நடத்தி வருகின்றனர்.