அனுமதியின்றி ஆர்ப்பாட்டத்தில் ஈடுபட்ட அ.தி.மு.க.வினர் மீது வழக்கு

தமிழக அரசின் மின்கட்டண உயர்வை கண்டித்து அ.தி.மு.க. சார்பில் கரூர் கோவை ரோட்டில் நேற்று முன்தினம் ஆர்ப்பாட்டம் நடைபெற்றது. இதனையடுத்து அனுமதியின்றி போக்குவரத்துக்கு இடையூறாக ஆர்ப்பாட்டம் நடைபெற்றதாக கரூர் டவுன் சப்-இன்ஸ்பெக்டர் அப்துல்லா புகார் கொடுத்தார். அதன்பேரில், முன்னாள் அமைச்சர் எம்.ஆர்.விஜயபாஸ்கர் உள்பட அ.தி.மு.க.வை சேர்ந்த பலர் மீது கரூர் டவுன் போலீசார் வழக்குப்பதிவு செய்துள்ளனர்.