முன்னாள் போலீஸ்காரரை மதுபாட்டிலால் தாக்கியவர் மீது வழக்கு

திருச்சி எடமலைப்பட்டிபுதூர் ஸ்டேட்பேங்க் காலனியை சேர்ந்தவர் ரமேஷ்குமார் (வயது 42). போலீசாக இருந்த இவர் பணிநீக்கம் செய்யப்பட்டவர் ஆவார். இந்நிலையில் இவர் கிருஷ்ணாபுரத்தை அடுத்த கோரையாறு டாஸ்மாக் கடை அருகே நின்று கொண்டிருந்தார். அப்போது எம்.ஜி.ஆர். நகரை சேர்ந்த ரபிக் என்பவர் அவரிடம் வேண்டுமென்றே தகராறு செய்துள்ளார். மேலும் இழிவாக திட்டி மது பாட்டிலால் தாக்கியுள்ளார். இதுகுறித்து ரமேஷ்குமார் அளித்த புகாரின்பேரில் எடமலைப்பட்டிபுதூர் போலீசார் வழக்குப்பதிவு செய்து விசாரணை நடத்தி வருகின்றனர்.