மருந்து கடையில் பணம் திருடிய வாலிபர் சிக்கினார்

தூத்துக்குடி குமாரர் தெருவை சேர்ந்தவர் சாகுல்அமீது (வயது 47). இவர் தூத்துக்குடி தெற்கு சம்பந்த மூர்த்தி தெருவில் மருந்து கடை நடத்தி வருகிறார். இவரது கடை பூட்டை உடைத்து, கடையில் இருந்த ரூ.20 ஆயிரம் ரொக்கப்பணத்தை மர்ம நபர் திருடி சென்று விட்டாராம். இதே போன்று தூத்துக்குடி மார்க்கெட்டில் பழைய இரும்பு கடையிலும் மர்ம ஆசாமி பூட்டை உடைத்து பணத்தை திருடி சென்று விட்டாராம்.

இந்த திருட்டு சம்பவங்கள் குறித்து மத்தியபாகம் போலீசார் வழக்கு பதிவு செய்து விசாரணை நடத்தி வந்தனர். விசாரணையில், தூத்துக்குடியை சேர்ந்த 19 வயது வாலிபர் ஒருவர் கடையை உடைத்து பணத்தை திருடி இருப்பது தெரியவந்தது. உடனடியாக போலீசார் அந்த வாலிபரை கைது செய்தனர்.