செல்போன் பறிப்பு; 2 சிறுவர்கள் உள்பட 3 பேர் கைது

திருச்சி, சுப்பிரமணியபுரம், பழைய பாண்டியன் தெருவை சேர்ந்தவர் ஜான் ஜெரால்டு செல்வகுமார். இவருடைய மகன் ஆண்டனி அபிஷேக் (வயது 21). இவர் சம்பவத்தன்று வீட்டின் அருகில் நின்று செல்போன் பேசிக் கொண்டிருந்தார். அப்போது மோட்டார் சைக்கிளில் வந்த 3 பேர் அவருடைய செல்போனை பறித்து சென்றனர். இது குறித்த புகாரின் பேரில் கே.கே.நகர் போலீசார் வழக்குப்பதிவு செய்து, அப்பகுதியில் உள்ள கண்காணிப்பு கேமராவை ஆய்வு செய்தனர். இதில் அதே பகுதியை சேர்ந்த ஜெட்லி ஆண்ட்ரூஸ் (19) மற்றும் 2 சிறுவர்கள் செல்போனை பறித்து சென்றது தெரியவந்தது. இதனையடுத்து 3 பேரையும் போலீசார் கைது செய்தனர்.