புழல் சிறையில் கைதிகளிடம் இருந்து செல்போன், சிம்கார்டு, கஞ்சா பறிமுதல்..!

சென்னை,

புழல் சிறை சென்னை அருகே திருவள்ளூர் மாவட்டத்தில் அமைந்துள்ளது. இது ஆசியாவிலேயே மிகப்பெரிய சிறை வளாகம் என்ற பெயரை புழல் சிறை பெற்றுள்ளது. புழல் சிறையில் 3 ஆயிரத்துக்கும் மேற்பட்ட கைதிகள் அடைக்கப்பட்டு உள்ளனர். சிறையில் போலீசார் வழக்கமான ரோந்து பணியில் ஈடுபட்டு வருகின்றனர்.

இந்த நிலையில், புழல் சிறையில் காவலர்கள் நேற்று நடத்திய வழக்கமான சோதனையில் விஜயராஜ் என்ற கைதி படுக்கையில் மறைத்து வைத்திருந்த செல்போன், 2 பேட்டரிகள், சிம்கார்டு பறிமுதல் செய்துள்ளனர். மேலும் கொடியரசன் என்ற கைதி படுக்கையில் மறைத்து வைத்திருந்த 20 கிராம் கஞ்சா பறிமுதல் செய்துள்ளனர். அதனை தொடர்ந்து இருவர் மீது வழக்குப்பதிவு செய்து போலீசார் விசாரணை நடத்தி வருகின்றனர்.