செல்போன் திருடியவர் கைது

திண்டுக்கல் அருகே உள்ள அதிகாரிபட்டியை சேர்ந்தவர் நாவிதராஜ் (வயது 40). இவர் தனது மனைவியை சிகிச்சைக்காக சிலுவத்தூர் அரசு மருத்துவமனைக்கு நேற்று முன்தினம் அழைத்து வந்தார். அப்போது நாவிதராஜின் செல்போன் திடீரென்று மாயமானது. இதுகுறித்து சாணார்பட்டி போலீஸ் நிலையத்தில் அவர் புகார் அளித்தார். அதன்பேரில் போலீசார் விசாரணை நடத்தினர். அதில், செல்போனை திருடியவர் ஜம்புலியம்பட்டியை சேர்ந்த ஆனந்தகுமார் (42) என்பது தெரியவந்தது. இதையடுத்து ஆனந்தகுமாரை போலீசார் கைது செய்தனர். மேலும் அவரிடம் இருந்து செல்போன் பறிமுதல் செய்யப்பட்டது.