நாமக்கல் மண்டலத்தில் கறிக்கோழி விலை கிலோவுக்கு ரூ.5 உயர்வு

நாமக்கல்:

நாமக்கல் மண்டலத்தில் கறிக்கோழி கிலோ ரூ.121-க்கு விற்பனை செய்யப்பட்டு வந்தது. இந்த நிலையில் நேற்று பல்லடத்தில் நடந்த கறிக்கோழி ஒருங்கிணைப்புக்குழு கூட்டத்தில் அதன் விலையை ரூ.5 உயர்த்த முடிவு செய்யப்பட்டது. இதை தொடர்ந்து கறிக்கோழி விலை கிலோவுக்கு ரூ.126 ஆக உயர்ந்தது.

இதனிடையே முட்டைக்கோழி கிலோ ரூ.107-க்கும், முட்டை கொள்முதல் விலை 510 காசுகளாகவும் இருந்து வந்தது. அவற்றின் விலைகளில் மாற்றம் செய்யப்படவில்லை என பண்ணையாளர்கள் தெரிவித்தனர்.