சின்னமனூரில் தம்பதி மீது தாக்குதல்

சின்னமனூர் சொக்கநாதபுரத்தைச் சேர்ந்தவர் பார்த்தசாரதி (வயது 30). இவரது மனைவி சுகுணா (25). இதே ஊரை சேர்ந்தவர்கள் வேல்முருகன், நாகராஜ், அருள், பிச்சைக்கனி. பார்த்தசாரதிக்கும், வேல்முருகன் தரப்பினருக்கும் இடையே நிலப்பிரச்சினை இருந்து வந்தது.

நேற்று முன்தினம் இதுதொடர்பாக இருதரப்பினருக்கும் இடையே வாக்குவாதம் ஏற்பட்டது. அப்போது வேல்முருகன் தரப்பினர் பார்த்தசாரதி, அவரது மனைவி சுகுணாவை தாக்கியுள்ளனர். இதில் 2 பேரும் படுகாயமடைந்தனர். அவர்கள் சிகிச்சைக்காக சின்னமனூர் அரசு மருத்துவமனையில் சேர்க்கப்பட்டனர். பின்னர் மேல்சிகிச்சைக்காக தேனி அரசு மருத்துவ கல்லூரி மருத்துவமனைக்கு அனுப்பி வைக்கப்பட்டனர். இதுகுறித்த புகாரின்பேரில் வேல்முருகன், நாகராஜ், அருள், பிச்சைக்கனி ஆகிய 4 பேர் மீதும் சின்னமனூர் போலீசார் வழக்குப்பதிவு செய்து தேடி வருகின்றனர்.