சாந்தகுணம் மாரியம்மன் கோவிலில் சித்திரை திருவிழா

திருத்துறைப்பூண்டி:

திருத்துறைப்பூண்டி அருகே உள்ள மேட்டுப்பாளையம் சாந்தகுணம் மாரியம்மன் கோவிலில் சித்திரை பெருந்திருவிழா நேற்று நடைபெற்றது. இதை முன்னிட்டு அம்மனுக்கு சிறப்பு அபிஷேக, ஆராதனை செய்யப்பட்டு மலர்களால் தீபாராதனை காண்பிக்கப்பட்டது. மேலும் அம்மனுக்கு சந்தனக்காப்பு அலங்காரம் செய்யப்பட்டது. இதை தொடர்ந்து புஷ்ப வாகனத்தில் அம்மன் வீதி உலா காட்சி நடைபெற்றது. பின்னர் வாண வேடிக்கை நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதற்கான ஏற்பாடுகளை மேட்டுப்பாளையம் பாரதி நகர், கிராம மக்கள் செய்திருந்தனர்.