சி.ஐ.டி.யு. போக்குவரத்து ஊழியர்கள் சங்கத்தினர் ஆர்ப்பாட்டம்

நெல்லை அரசு போக்குவரத்துக்கழகத்தின் சி.ஐ.டி.யு. ஊழியர்கள் சங்கம் சார்பில் நெல்லை வண்ணார்பேட்டை அரசு விரைவு போக்குவரத்து கழக பணிமனை முன்பு நேற்று ஆர்ப்பாட்டம் நடந்தது. பொதுக்குழு உறுப்பினர் இசக்கி தலைமை தாங்கினார். சி.ஐ.டி.யு. மாவட்ட செயலாளர் முருகன் ஆர்ப்பாட்டத்தை தொடங்கி வைத்து பேசினார்.

அவுட்சோர்சிங் முறையில் டிரைவர்கள் நியமனம் செய்வதை கைவிட வேண்டும், வேலைவாய்ப்பு அலுவலகத்தில் பதிவு செய்து காத்திருப்பவர்களுக்கு முன்னுரிமை வழங்க வேண்டும், தொழிற்சாலை சட்டத்திருத்தம் என்ற பெயரில் வேலை நேரத்தை 12 மணி நேரமாக மாற்றக்கூடாது என்ற பல்வேறு கோரிக்கைகளை வலியுறுத்தி இந்த ஆர்ப்பாட்டம் நடந்தது. ஆர்ப்பாட்டத்தில் நிர்வாகிகள் பலர் கலந்து கொண்டனர்.