கார் மோதி துப்புரவு பணியாளர் பலி

விருதுநகர் அருகே உள்ள வச்சக்காரப்பட்டி அருந்ததியர் காலனியை சேர்ந்தவர் திருப்பதிராஜ் (வயது 48). இவர் வச்சக்காரப்பட்டி பஞ்சாயத்து துப்புரவு பணியாளராக பணியாற்றி வந்தார். சம்பவத்தன்று இரவு இவர் வச்சக்காரப்பட்டி விலக்கு அருகே தேசிய நெடுஞ்சாலையை கடக்க முயன்ற போது அந்த வழியாக வந்த கார் மோதியதில் படுகாயம் அடைந்தார். உடனே அவரை மீட்டு சிகிச்சைக்காக விருதுநகர் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இதுபற்றி திருப்பதி ராஜ் மனைவி குருவம்மாள் கொடுத்த புகாரின் பேரில் வச்சக்காரப்பட்டி போலீசார் கார் டிரைவர் பாலசுப்பிரமணியன் (49) மீது வழக்குப்பதிவு செய்து விசாரணை நடத்தி வருகின்றனர்.