பரமத்திவேலூரில் ரூ.1½ லட்சத்துக்கு தேங்காய் ஏலம்

பரமத்திவேலூர்:

பரமத்திவேலூரில் செயல்பட்டு வரும் மின்னணு தேசிய வேளாண்மை சந்தையில் செவ்வாய்க்கிழமை தோறும் தேங்காய் மறைமுக ஏலம் நடைபெற்று வருகிறது. கடந்த வாரம் நடைபெற்ற ஏலத்திற்கு 4 ஆயிரத்து 769 கிலோ தேங்காய்களை ‌ விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.24.89-க்கும், குறைந்த பட்சமாக கிலோ ஒன்று ரூ.19.99-க்கும், சராசரியாக கிலோ ஒன்று ரூ.24-க்கும் ஏலம் போனது. மொத்தம் ரூ.1 லட்சத்து 15 ஆயிரத்து 599-க்கு வர்த்தகம் நடைபெற்றது. நேற்று நடைபெற்ற ‌ஏலத்திற்கு 6 ஆயிரத்து 112 கிலோ தேங்காய்களை விவசாயிகள் கொண்டு வந்தனர். இதில் அதிகபட்சமாக கிலோ ‌ஒன்று ரூ.27.59-க்கும், குறைந்தபட்சமாக கிலோ ஒன்று ரூ19.39-க்கும், சராசரியாக கிலோ ஒன்று ரூ.‌24-க்கும் ஏலம் போனது. மொத்தம் ரூ.1 லட்சத்து 46 ஆயிரத்து 333-க்கு வர்த்தகம் நடந்தது.