ரூ.13¼ லட்சத்துக்கு தேங்காய் பருப்பு ஏலம்

பரமத்திவேலூர்

பரமத்திவேலூர் வெங்கமேட்டில் மின்னணு தேசிய வேளாண்மை சந்தையில் கடந்த வாரம் நடந்த ஏலத்தில் 19 ஆயிரத்து 19 கிலோ தேங்காய் பருப்பை விவசாயிகள் கொண்டு வந்து இருந்தனர். இதில் அதிகபட்சமாக கிலோ ஒன்று ரூ.86.59-க்கும், குறைந்தபட்சமாக ரூ.69.29-க்கும்‌, சராசரியாக ரூ.83.69-க்கும் ஏலம் போனது. மொத்தம் ரூ.15 லட்சத்து 16 ஆயிரத்து 29-க்கு வர்த்தகம் நடைபெற்றது.

ஆனால் நேற்று நடந்த ஏலத்திற்கு ‌17 ஆயிரத்து 283 கிலோ தேங்காய் பருப்பை விவசாயிகள் ஏலத்துக்கு கொண்டு வந்திருந்தனர். இதில் அதிகபட்சமாக கிலோ ஒன்று ரூ.84.19-க்கும், குறைந்தபட்சமாக ரூ.69.70- க்கும், சராசரியாக ரூ.80.79-க்கும் ஏலம் போனது. மொத்தம் ரூ.13 லட்சத்து 27 ஆயிரத்து 439-க்கு வர்த்தகம் நடந்தது.