அன்னதான உண்டியல் மூலம் ரூ.80 ஆயிரம் வசூல்

சுசீந்திரம்:

சுசீந்திரம் தாணுமாலய சாமி கோவிலுக்கு தினமும் ஆயிரக்கணக்கான உள்நாட்டு மற்றும் வெளிநாட்டு சுற்றுலா பயணிகளும் பக்தர்களும் வந்து செல்கின்றனர். அவ்வாறு வருகின்ற பக்தர்களுக்கு மதிய வேளையில் அன்னதானம் வழங்கும் வகையில் தமிழக அரசு அன்னதானத் திட்டத்தை செயல்படுத்தி வருகிறது. மேலும் பக்தர்கள் தங்களது நேர்த்தி கடனை செலுத்தும் வகையில் கோவில் நிர்வாகம் கோவில் முகப்பில் அன்னதான உண்டியல் ஒன்றை வைத்துள்ளது. இந்த அன்னதான உண்டியல் மாதம்தோறும் திறந்து எண்ணப்படுவது வழக்கம். அது போல் நேற்று உண்டியல் திறந்து எண்ணப்பட்டது. கோவில் மேலாளர் ஆறுமுகதரன் தலைமையில் ஆய்வர் ராமலட்சுமி, கணக்கர் கண்ணன் ஆகியோர் முன்னிலையில் கோவில் பணியாளர்கள் உண்டியல் எண்ணும் பணியில் ஈடுபட்டனர். இதில் வருமானமாக ரூ.82 ஆயிரத்து 643 கிடைத்துள்ளதாக கோவில் நிர்வாகம் தெரிவித்துள்ளது.