நாளை மதுக்கடைகள், மதுபானக்கூடங்கள் மூட கலெக்டர் உத்தரவு

மயிலாடுதுறை மாவட்ட கலெக்டர் மகாபாரதி வெளியிட்டுள்ள செய்தி குறிப்பில் கூறியிருப்பதாவது:- மே தினத்தை முன்னிட்டு மே 1-ந்தேதியான நாளை(திங்கட்கிழமை) மது விற்பனை இல்லாத நாளாக தமிழக அரசால் ஆணையிடப்பட்டுள்ளது. எனவே, மயிலாடுதுறை மாவட்டத்தில் தமிழ்நாடு மாநில வாணிபக்கழகத்தின் (டாஸ்மாக்) கட்டுப்பாட்டில் இயங்கி வரும் மதுபான சில்லறை விற்பனைக்கடைகள், மதுபான கடைகளை ஒட்டியுள்ள மதுபான கூடங்கள் மற்றும் நட்சத்திர ஹோட்டலில் இயங்கும் மதுபான கூடம் உள்பட அனைத்தும் நாளை (திங்கட்கிழமை) தற்காலிகமாக மூடிவைக்கப்பட வேண்டும், மதுபானங்களை விற்பனை செய்யக்கூடாது, மதுபான போக்குவரத்து ஏதும் செய்யக்கூடாது என அறிவுறுத்தப்படுகிறது. இவ்வாறு அதில் கூறப்பட்டுள்ளது.